تهكم علي عائشة عبدالهادي بسبب تصريح " على طلاب الكليات النظرية العمل كـ"أفراد أمن"

وجهت عائشة عبد الهادى، وزيرة القوى العاملة والهجرة، دعوة صريحة لخريجى الكليات النظرية كالآداب والحقوق للعمل كـ "أفراد أمن" بالمولات التجارية، لأن "هذا هو المتاح"، على حد قولها فى برنامج 90 دقيقة على قناة المحور الذى يقدمه الإعلامى معتز الدمرداش.

وكانت أغلب تعليقات القراء علي موقع اليوم السابع تتهكم علي الوزيرة فيقول عبده السيسي لا تعليق فالسكوت من ذهب ، أما محمد علي فيقترح أن يقوموا بإلغاء قسم الادبى من الثانوية العامة واللى مش يدخل طب ولا صيدله ولا هندسة يلتحق بالتعليم الفنى ويتعلم صنعه وتبقى البلد مفهاش مفكرين ولا قانونين ولا اى حاجة تبقى فى البلد يبقى العلم فى الراس مش فى الكراس. عجبى بس هما فاكرين البلد بتاعتهم هما لوحدهم يدخلو اللى يدخلو ويعينو اللى هما عاوزينه ويقولوا اللى هما عاوزينه ، ويعلق أحد القاء قائلا " شوفتى الزمن بيعمل ايه فى الناس يا عيشة ؟؟؟واحد بالاعدادية تبقى وزيرة واللى معاه حقوق يشتغل غفير بس بقميص وبنطلون فعلا بوس الايد بينفع " ويضيف آخر "
أنا صديقى محامى - لكنة يعمل جارسون أى سفرجى فى مطعم - والاخر كلية تجارة جيد جدا ويعمل فرد أمن للمحلات ليلا ... أية المشكلة - المشكلة فى طبيب صديق ويعمل سائق مكروباص ... حمدا لله أنى مصرى سابق " أما أحد طلاب الحقوق فيقول "
يعنى هو كل من هب ودب فى البلد دى يجى على الحقوق والمحاماة ممثل ملوش قيمة بهدلنا فى السيما ومعالى الوزيرة تقترح احنا نفض ادينا من المهنة خالص عجبت لك يا زمن وامال حضرتك لما تتخرجى من الوزارة بعون الله هتشتغلى ايهدادة مثلا " ويعلق قارىء آخر "
هو مش ابنك خريج تجارة برده يعنى كلية نظرية واشتغل فى اكبر شركة بترول وبراتب ربنا العالم بيهيا حاجة فاقد الشئ لا يعيطه ".